Que queremos lograr?

Queremos formar mozos e mozas alegres e responsables, dándolles respecto e agarimo, xa que traballamos nun ambiente onde o CONCEPTO DE FAMILIA é moi importante.

Para que?

Para crear e manter distintas categorías de xogadores e xogadoras, xerando un equipo de monitores e adestradores que transmitan os COÑECEMENTOS TÉCNICOS e os VALORES AXEITADOS.

Onde queremos estar no futuro?

• A curto prazo encantaríanos levar a cabo un proxecto no que, ademais dos coñecementos deportivos, todo o equipo humano pertencente ao club puidese recibir formación en PRIMEIROS AUXILIOS E DESA, de tal xeito que en calquera terreo de xogo sempre haxa un técnico dispoñible en caso de accidente deportivo.
• Dotar cada categoría dunha BOTICA AXEITADA ao seu rango de idade e dunha completa para a instalación.
• Adquirir un DESA.
• Dispoñer de CONVENIOS DE COLABORACIÓN que beneficien tanto os nosos socios como os negocios locais.